"प्लीज़" (गज़ल)
**************************************************
त्वैकु हथ ज्वड़्या छन घड़ेक 
चुपरौ प्लीज़ ।
ल्वैखाळ ज़िकुड़ा मा लूण नि
बुबरौ प्लीज़ ॥
पसेण फर लग्यान म्यारा छाळा-
फुफ़रा ।
अपणु लप्यता थैं मी जनै नि
हपरौ प्लीज़ ॥
म्यारु मिज़ाज हौरु से ज़रसि
करळु चा ।
मी थैं जना-कनौं फर कतै नि
सबरौ प्लीज़ ॥
भ्यटेले जतगा भ्यटेणी छे जै
दगड़ भि ।
पर मेरि अंग्वळि का बाना नि
टपरौ प्लीज़ ॥
"पयाश" त खरड़ि धारम भि छैल
खोज़ि द्यालु ।
चुड़ापट्टि कु घाम हूण चैंद दिन-
द्वफरौ प्लीज़ ॥

पयाश पोखड़ा

+91 92132 27970

PUBLICIZED BY उत्तराखंड की लगूली