"खुद"(गज़ल)By Payash Pokhada

 "खुद" (गज़ल)
*******************************************

आज फेरि हथगुळ्यु मा, किसळि सि लगणि चा ।
आज फेरि क्वी भटुळि,तिसळि सि लगणि चा ॥

कब बटैकि दिखेणा छवा, कख छाया तुम ?

आज फेरि तेरि बात,हिंसळि सि लगणि चा ॥

दगड़्यौंल दगड़्यौं मा,इसक्वल्या छुईं पुरैना ।
आज फेरि जिकुड़ि मा,झिसळि सि लगणि चा ॥

बिसर्या दिनु कि खुद,क्वी ठस ठसोळि ग्याइ ।
आज फेरि दुखदा मा,ठिसळि सि लगणि चा ॥

कब बटैकि आंख्यूं मा,आंसु भैर नि आया ।
आज फेरि आंख्यूं मा,रिसळि सि लगणि चा ॥

वो सुख्यूं सि फूल,कनै उड़ रे "पयाश" ।
आज मेरि जिकुड़ि,बिसळि सि लगणि चा ॥

पयाश पोखड़ा

+91 92132 27970

PUBLICIZED BY उत्तराखंड की लगूली