"एक कच्ची-पक्की "कच्ची" फर " (गज़ल)
*******************************************
ब्वै-बब्बौ की पिनसनी मा ।
दारू पीणा छन दिनमनी मा ॥

गोरु-बछुरु मुग्दान लगैकि,
कच्ची बणाणा छन छन्नी मा ॥

कन ढंर्गचाळ बिगड़ मवसौं कु,
छ्वारा बिहोस भप्पी ज्वनि मा ॥

ना करणि-धरणि ना कमै-
धमै,हथ पसरणा छन जननी मा ॥

खाणा-पीणाकु भलु सज अयूं च,
मौज-मजा कना छन परधनि मा ॥

खज्यतू अयूं च अर फजितू 
हुयूं,गुंग बण्यां छन दाना दिवनी मा ॥

बिना पियां नरग रैण तिल "पयाश",
चित्त ह्वै जैलु तू एक चवन्नी मा ॥

पयाश पोखड़ा

+91 92132 27970

PUBLICIZED BY उत्तराखंड की लगूली