."त्वै दगड़ को"(गज़ल)By Payash Pokhada

" त्वै दगड़ को" (गज़ल)
*******************************************

हैंसि खितकिड़्यूं मा सब त्वै दगड़ ।
पर आंसु फुंजणा मा त्वै दगड़ को ?

तिल बस एकदां चुळ मि जनै द्याख ।
पर दुन्यां की आंख्यूं मा त्वै दगड़ को ?

तेरि आंख्यूं की हैंस सर्या दुन्यंल द्याख ।
पर आंसु का क्वांसू मा त्वै दगड़ को ?

कन-कना गीत मिसैनि गितरुल त्वैफर ।
पर त्यारा खुदेड़ गीतु मा त्वै दगड़ को ?

सौंजड़्या छे तू मेरि सबुना ब्वाल त्वैकु ।
पर त्यारा दगड़ु कना मा त्वै दगड़ को ?

उंधरियूं हथ धार त्यारा कांधम सबुना ।
पर उकळि का बाटों मा त्वै दगड़ को ?

पयाश पोखड़ा

+91 92132 27970

PUBLICIZED BY उत्तराखंड की लगूली