"भारे ! याद राखि" (गज़ल)
*******************************************
अपणि कचकौं थैं, कनकै लुकौउं ? 
अपणा गैरा घौ थैं, कनकै सुखौउं ?
आंखा भ्वर-भ्वरिक आंसु पैंछा दे ग्यवा ।
बता त्यारु उधरु, कनकै चुकौउं ?
पाणि-पाणि कैकि चोळि तिसळि राया ।
त्वैकु बूंद दुएक, कनकै पुकौउं ?
जतन कैकि चुलाउंद आग घुघराया ।
ईं खुदेड़ जिकुड़ि, कनकै फुकौउं ?
द्यप्ता जाणिकि पुजिनि जो सर्या जिंदगि।
ढुगौं ऐथर मुण्ड, कनकै झुकौउं ?
मि जणंदू छौं त्यारा अबिण्डो स्वभौ थैं ।
तेरि गिच्चि च्यौलि, कनकै ठुकौउं ?
खौंखाळ त मारि द्या तिल 'पयाश' पर,
ख्वळा गिच्चिल च्यूड़ा, कनकै बुखौउं ?

पयाश पोखड़ा

+91 92132 27970

PUBLICIZED BY उत्तराखंड की लगूली