"एक गज़ल तुमरा नौ" (गज़ल)
*******************************************
मि त सुदि-सुदि बरैनाम खड़ु कर्यूं छौं ।
म्वाळा कु सि माद्यौ म्वार फर धर्यू छौं ॥
कबरि-कबरि झळ्कां मी जनै भि द्यख्दा ।
द तुमर भांवल मि ज्यूंदु छौं कि म्वर्यूं छौं॥
पोर-परार बटैकि मि हैंसण बिसिर ग्यौं।
गाळ-गाळ तक भारी असंदल भ्वर्यूं छौं॥
खिर्तू द्यखणा से पैलि कुजगा बैठि ग्यौं।
मि अपणै गुठ्यारा की गौ कु मर्यूं छौं ॥
जैं बिसगीं नयरि फट्यळु लगाणा छवा ।
वीं नयरि थैं बसगाळम कत्गै दां तर्यूं छौं॥
गौं कु डबळांदु बाटो आंसु थामि ब्वळ्दा।
नि कुरचदा क्वी, मि भलिकै स्वर्यूं छौं॥
चौपड़-चौसर कौड़ि सदनि जितणु रौं ।
पर जिदंगि कु जुआ 'पयाश' मा हर्यूं छौं॥

पयाश पोखड़ा

+91 92132 27970

PUBLICIZED BY उत्तराखंड की लगूली