एक "ग्याड़ू" की  (गज़ल)
************************              "लकदक डाळि" (भाई गणेश काला जी का नाम समर्पित) 
बल ज्व डाळि जत्गा लकदक रैंद ।
ढुंगेरु की वींफरै उत्गा टक रैंद ॥
कैल कै छे या सर्या डाळि खालि ।
सित्गा याद कब कैथै कख रैंद ॥
सर्र बिसर जांद वा पुरणी कचगा ।
नै कुटमणों मा बणि लकझक रैंद ॥
ढुंगा चुटन्दरा को छाई ? कुजाण ।
वींकु सदनि 'पयाश' फर शक रैंद ॥
डाळि जैकि ह्वैलि तैकि ह्वैलि भारे ।
हां, छैलु बैठणा कु त सबुकु हक रैंद ॥
बिसुदि छैल की सुनिंदि मा ख्याल नि ।
डाळि कु लप्यता प्वड़्यूं जख-तख रैंद ॥

पयाश पोखड़ा

+91 92132 27970

PUBLICIZED BY उत्तराखंड की लगूली