"आंख्यूं की बोली"(हाइकु) By Payash Pokhada

""आंख्यूं की बोली"(हाइकु)
*******************************************

आंखा देसि फुकणां,आंसु गढ़्वळिम रुझणां,द्विया बीगीं गैन बोलि ॥ (१)

आंखा रुक्यां सि,स्वीणा दुख्यां सि,फेरि भि द्यखणां की कै बै ॥ (२)

आंखि पटगाबन्द,सुपिन्यां चिलांग,फज़ल रतखुलणिम तक ॥ (३)

आंख्यूं मा उज्यळु,जिकुड़ि मा मुच्छ्यळु,घनाघोर चुक्कापट्ट त्वै जनै ॥ (४)

उळ्यरा आंखा,कल्यरा बाटा,रुम्कां रुम्कां मैत जनै ॥ (५)

जिकुड़ि कु डाउ,आंख्यूं मा आंसु,राउ त कनकै राउ ॥ (६)

दिन-द्वफिरि जुन्यळि,ग्यूं कि रोटी चुन्यळि,तू देळिम जून छज्जम ॥ (७)

ब्यौ पल्या ख्वाळा,अर्सा, भूड़ा, स्वाळा,मोत्याबिन्द आंख्यूं मा मोती बिन्दु ॥ (८)

फुलफटंगा जून द्याखा,जम्मा नि झपकाइ आंखा,कतगा लब्ब्ब्बी खुद ॥ (९)

हर्च्यां आंखा,जग्वळ्या बण्यान,कै अपच्छ्यणकुल का ॥ (१०)

खौळ्यां आंखा,बौळ्या जिन्दगि,तिल द्याखा, मिल द्याखा ॥ (११)

पयाश पोखड़ा

+91 92132 27970

PUBLICIZED BY उत्तराखंड की लगूली