"इनु बि क्या ?" (गज़ल)
*******************************************
न चिट्ठी, न पतरि, न क्वी रंत, न रैबार आंद ।
अब कख क्वी कैका वार-ध्वार, 
आंद-जांद ॥
चखुला उडणा छन त उडण दे,स्यूं बिचरों थैं ।
जख चार बियां ह्वाला घुघुति, वखि त जांद ॥
खन्द्वार हुईं डण्ड्यळि की कुछ, सुणि ले जरा ।
तिबरि कु खम्ब बि बगत दगड़ खड़ु,नि रै पांद ॥
स्यो बन्दुक्या दादा कै फर सिसाद, लगाणु चा ।
क्वी भर्वसु नि गोळ्युंकु कब अफु 
जनै आंद ॥
या दुन्यां त अजकाळ भौत छ्वटि सि, ह्वै ग्याइ ।
पर आबत-अस्नौ, भयात किळै दूर 
ह्वै जांद ॥
मिल त कबि कुछ बि नि मांगु छाइ 
द्यप्तौं मा ।
पर स्यो "पयाश" किळै भट्ट अंग्वाळ बोटि जांद ॥

पयाश पोखड़ा

+91 92132 27970

PUBLICIZED BY उत्तराखंड की लगूली